Menningarfáninn er viðurkenning fyrir framúrskarandi menningarstarfsemi á starfsstöðum skóla- og frístundasviðs Reykjavíkurborgar. Hann var veittur í sjötta sinn haustið 2017 og kom þá í hlut Dalskóla og Hagaskóla. 
  • Handhafar Menningarfánans 2017 í Dalskóla og Hagaskóla.
  • Handhafar menningarfána í Árbæjarskóla 2015.
  • Handhafar menningarfána í frístundamiðstöðinni Kampi 2015.

Um menningarfánann

  • Menningarfáni er veittur sem viðurkenning fyrir framúrskarandi menningarstarf
  • Einn til fjórir starfsstaðir geta hlotið Menningarfánann árlega 
  • Starfsstaður sem hlýtur menningarfánann fær viðurkenningarskjal og getur merkt vefsvæði sín, skjöl og verkefni með menningarfánamerkinu
  • Í viðurkenningunni felst smá fjárstyrkur sem ætlaður er sem styrkur inn í frekara lista-  og menningarstarf
  • Menningarfáninn er veittur á sérstökum viðburði á Barnamenningarhátíð
  • Handhafar menningarfánans geta fyrst sótt um aftur að fjórum árum liðnum
  • Starfsstaðir geta sótt um einir eða fleiri saman vegna formaðs samstarfs

Leiðarljós

Menningarfáninn byggir á menningarstefnu Reykjavíkurborgar 2014-2020 þar sem áhersla er lögð á að:

  • Menning og listir séu snar þáttur í uppeldi og kennslu barna og ungmenna í borginni
  • Starfsstaðir skóla- og frístundasviðs eigi góða samvinnu um listuppeldi við listamenn, söfn og menningarmiðstöðvar í borginni
  • Áhersla sé lögð á þátttöku barna, ungmenna og fjölskyldna í menningarlífinu og framlag þeirra til menningar metið að verðleikum

Markmið

  • Framlag barna til menningar og lista verði metið að verðleikum og gert sýnilegt í menningarlandslagi borgarinnar
  • Styrkja meðvitund barna og unglinga um menningararfinn og ýta undir skapandi og frumlega hugsun
  • Efla tengsl barna og unglinga við nærsamfélag sitt með fjölþættri samvinnu milli þeirra, menningarstofnana og listamanna
  • Útfærsla menningarstefnu Reykjavíkurborgar kallist á við menningarstefnu ríkisins
  • Auka þátt menningar og lista í námi og leik barna og unglinga
  • Auka fjölbreytni, víðsýni og virðingu fyrir lífi og menningu annarra með auknu menningarlæsi
  • List og menning sé sýnileg og (gagn)virkur hluti af skóla- og frístundarýminu og umhverfi þess
  • Rækta menningarlega sjálfsmynd barna og unglinga

Umsókn um menningarfánann

Til þess að öðlast menningarfána þarf leikskóli, grunnskóli, frístundaheimili, félagsmiðstöð eða skólahljómsveit í Reykjavík að uppfylla eftirfarandi skilyrði:

  • Setja sér stefnu um lista- og menningarstarf sem byggir á menningarstefnu Reykjavíkurborgar, starfsáætlun SFS aðalnámskrá og/eða starfsskrá frístundamiðstöðva SFS. Í menningarstefnu felst leiðarljós, markmið og skilgreindar aðgerðir til að ná markmiðunum.
  • Skipa tengilið / fánabera. Hlutverk hans er að annast samskipti og upplýsingamiðlun innan og utan stofnunarinnar vegna menningaruppeldis
  • Eiga í virku samstarfi við þær menningar- og listastofnanir sem eru í nærsamfélaginu og/eða hópa listamanna
  • Nýta sér það framboð menningarstofnana sem snýr að menningaruppeldi barna og unglinga
  • Hafa breiða flóru listgreina að leiðarljósi í skóla- og frístundastarfi
  • Fá listamenn til samstarfs
  • Skapa rými í skóla- og frístundastarfi fyrir óvænt skapandi verkefni
  • Huga að símenntun starfsmanna í menningaruppeldi
  • Leggja áherslu á skapandi framsetningu og úrvinnslu námsefnis í formlegu og/eða óformlegu námi

Umsóknir ber að senda á netfangið menningarfani@reykjavik.is
Tengiliður um menningarfánann er Harpa Rut Hilmarsdóttir harpa.rut.hilmarsdottir@reykjavik.is
 

 

Þarfnast þessi síða lagfæringar?

4 + 15 =