Lykiltölur húsnæðismála

Fjöldi íbúða sem bygging er hafin á árið 2017.
418
Íbúðir sem bygging er hafin á s.l. 12 mánuði
876
Íbúðir í samþykktu deiliskipulagi
5.000
Íbúðir í skipulagi í vinnslu
4.300

Fjölda íbúða sem hafin er bygging á 2014-2022 (skyggða svæðið er áætlun)

Fjöldi íbúða sem hafin er bygging á 2014-2022 (skyggða svæðið er áætlun)

Fjöldi íbúða sem hafin er bygging á í Reykjavík 2015 – 2022 (áætlun).

Leiguíbúðir og íbúðir húsnæðisfélaga í Reykjavík 2015 – 2022.

Uppbygging íbúða frá 1972 til 2016

Fjöldi nýrra íbúða eftir sveitarfélögum 2013-2016 (Heimild: Þjóðskrá Íslands).

Árið 2016 var hafin bygging á 922 íbúðum í Reykjavík og þann 1. október 2017 var hafin bygging á 612 íbúðum frá síðustu áramótum. Hér má sjá yfirlit yfir byggingu nýrra íbúða frá árinu 1972. Í yfirlitinu kemur fram að að meðaltali er hafin bygging á  609 íbúðum á ári frá 1972. Hér má sjá yfirlit yfir samþykkt byggingarmagn í Reykjavík frá 2005. Í yfirlitinu kemur fram að fjöldi nýrra íbúða í samþykktum byggingaráformum árið 2016 eru 737 íbúðir í Reykjavík og þann 1. október 2017 var fjöldi nýrra íbúða í samþykktum byggingaráformum frá síðustu áramótum 665 talsins. 

 

Samantekt úr  ársskýrslu byggingarfulltrúa fyrir árið 2016

Á árinu 2016 voru samþykkt byggingaráform í Reykjavík fyrir um 188 þúsund fermetra og 720 þúsund rúmmetra fyrir allt húsnæði. Byggingaráform íbúðarhúsnæðis var um helmingur alls byggingarmagns eða fyrir um 94 þúsund fermetra og 308 þúsund rúmmetra. Til samanburðar var samþykkt byggingarmagn árið 2015 fyrir um 235 þúsund fermetra og 912 þúsund rúmmetra fyrir allt húsnæði. Samþykkt byggingarmagn var um 25% minna á milli ára og um 50-90% af því sem það var að jafnaði yfir árin 2000 til 2008. Yfir tíföld aukning er ef miðað er við árið 2010 þegar einungis um 18 þúsund fermetrar og 68 þúsund rúmmetrar voru samþykktir.

Fjöldi nýrra íbúða í samþykktum byggingaráformum í Reykjavík árið 2016 var fyrir 737 nýjar íbúðir. Flestar íbúðir voru í fjölbýlishúsum eða 709, í raðhúsum voru 15, 2 í tvíbýlishúsum og 11 í einbýlishúsum. Til samanburðar voru 969 nýjar íbúðir samþykktar árið 2015, 562 árið 2014, 441 árið 2013, 444 árið 2012, 114 árið 2011, 27 árið 2010, 125 árið 2009, 490 árið 2008, 427 árið 2007 og 573 íbúðir skráðar 2006. Um fjórðungs fækkun var á fjölda nýrra íbúða í samþykktum byggingaráformum á milli ára en töluverð aukning er í fjölda nýrra íbúða frá sl. árum.

Á árinu 2016 var hafin smíði á 922 nýjum íbúðum og er það sambærilegur fjöldi og á sl. ári þegar smíði hófst á 926 íbúðum. Að jafnaði frá árinu 1972 hefur verið hafin smíði á 616 íbúðum á ári. Flestar voru þær árið 1973 með 1133 íbúðir, 992 árið 1986 og 983 árið 2005. Fæstar voru þær yfir árin 2009 til 2011 þar sem hafin var smíði á 159 íbúðum árið 2009, einungis 10 íbúðum árið 2010 og 113 árið 2011. Fjöldi nýrra íbúða á sl. ári var sá fimmti mesti frá 1972 og sá fjórði mesti árið 2015. Töluverð aukning er því í byggingu nýrra íbúða frá sl. árum.

Í Fasteignaskrá voru 399 nýjar íbúðir skráðar fullgerðar eða teknar í notkun á árinu 2016 og 461 íbúðir á skráðar á fokheldu byggingarstigi eða tilbúnar til innréttinga. Er það mesti fjöldi frá árinu 2007 þegar 573 fullgerðar íbúðir voru og 338 fokheldar. Byggingarmagn alls húsnæðis sem var fullgert og tekið í notkun á árinu 2016 var um 265 þúsund fermetrar og 1.184 þúsund rúmmetrar og er það nærri þrefalt meira en árið á undan þegar 91 þúsund fermetrar og 451 þúsund rúmmetrar var skráð fullgert og tekið í notkun.

Nánar má lesa um lykiltölur í ársskýrslu byggingafulltrúa 2016.

Á vefsíðunni Íslenski Byggingavettvangurinn er leitast við að koma saman á einn stað öllum þeim upplýsingum sem birtar eru um tölfræði byggingageirans á vefmiðlum.

Þarfnast þessi síða lagfæringar?

1 + 9 =