Fjölmenning og inngilding
Í mannréttindastefnu Reykjavíkurborgar má finna kafla um uppruna og þjóðerni.
Verkefni mannréttinda- og lýðræðisskrifstofu sem snúa að málefnum innflytjenda, fólks í leit að alþjóðlegri vernd, og flóttafólks má nálgast í aðgerðaráætlun í mannréttinda- og lýðræðismálum 2019 til og með 2022.
Reykjavík er fjölmenningarsamfélag
Nútíma samfélag í Reykjavík er í stöðugri þróun og er sífellt að verða fjölbreyttari meðal annars með tilliti til uppruna, þjóðernis, trúar- og lífsskoðana. Fólk flytur meira á milli landa vegna aukinnar alþjóðavæðingar en yfir 20% íbúa Reykjavíkur eru af erlendum uppruna.
Fjölmenningarlegt samfélag kallar á breyttar áherslur á flestum sviðum samfélagsins. Grundvallaratriði fyrir fjölmenningsamfélög eru: virðing fyrir fjölbreytileika, jafnrétti og innihaldsrík fjölmenningarleg samskipti.
Fjölmenningarráð
Fjölmenningarráð er borgarstjórn, nefndum og ráðum Reykjavíkurborgar til ráðgjafar um málefni og hagsmuni borgarbúa sem eru innflytjendur. Ráðið stuðlar að upplýsingagjöf og samstarfi Reykjavíkurborgar við hagsmunasamtök innflytjenda, mótar stefnur og gerir tillögur til borgarráðs sem varðar verksvið þess. Ráðið leitast við að tengja saman fjölmenningarleg samfélög í Reykjavík og koma hugmyndafræði um fjölmenningu og inngildingu á framfæri.
Inngilding
Í fjölmenningarlegu samfélagi er litið á fjölbreytileika sem sjálfsagðan hlut og lögð er áhersla á inngildingu (e. inclusion). Inngilding felur í sér að viðurkenna og virða fjölbreytileikann og gera alltaf ráð fyrir honum. Inngilding snýr að því að virkja allt fólk til þátttöku og gefa fjölbreyttum hópi fólks kleift að taka þátt í ákvarðanatöku.
Fjölbreytni í mannlífi
Eitt af leiðarljósum Reykjavíkurborgar er að reykvískt samfélag fái að nota fjölbreytni í mannlífi og menningu þar sem þekking, víðsýni, jafnrétti og gagnkvæm virðing einkenni samskipti fólks af ólíkum uppruna. Allar stofnanir borgarinnar þurfa að laga sig að fjölmenningarlegu samfélagi og útfæra stefnu Reykjavíkurborgar um fjölmenningarlegt samfélag í starfsáætlunum sínum. Þær skulu gera ráð fyrir innflytjendum bæði sem notendum og veitendum þjónustu, taka tillit til þarfa innflytjenda, án þess að litið sé á þá sem einsleitan hóp. Í öllu starfi borgarinnar skal leitast við að nýta kosti fjölbreytninnar.
Meira efni
- Stefna í málefnum innflytjenda og flóttafólks Upplýsingar um stefnu Reykjavíkurborgar í málefnum innflytjenda og flóttafólks
- Nýkomin til Reykjavíkur Ertu nýkomin/nn/ð til Reykjavíkur? Hér eru gagnlegar upplýsingar. Are you new in Reykjavik? Here is useful information
- Fjölmenningaryfirlýsing Reykjavíkurborgar Hér má lesa fjölmenningaryfirlýsingu Reykjavíkurborgar
- Öruggar borgir á Norðurlöndunum Reykjavíkurborg er aðili að Öruggum borgum á Norðurlöndunum
- Skjólborgarverkefnið ICORN Reykjavíkurborg er aðili að ICORN
- Við og börnin okkar Bæklingur fyrir foreldra/forsjáraðila og aðstandendur barna sem flutt hafa til Íslands
- Samráðsvettvangur Reykjavíkurborgar og trú- og lífsskoðunarfélaga Reykjavíkurborg og trú- og lífsskoðunarfélög á höfuðborgarsvæðinu eru með samráðsvettvang
- Tölfræði um fjölmenningu Hér má skoða tölfræði um fjölmenningu
- Fjölmenningarborgir Reykjavík er þátttakandi í verkefninu Fjölmenningarborgir
- Túlkaþjónusta Vantar þig upplýsingar um túlkaþjónustu?
- Félagasamtök Ert þú að fara stofna félagasamtök?
Hafðu samband
Mannréttinda- og lýðræðisskrifstofa
Ráðhúsi Reykjavíkur
Tjarnargata 11
101 Reykjavík
Verkefnastjóri: Joanna Marcinkowska
- joanna.marcinkowska@reykjavik.is