Hvatningarverðlaun skóla- og frístundaráðs

Skóla- og frístundaráð Reykjavíkur veitir árlega verðlaun fyrir nýbreytni- og þróunarverkefni í skóla- og frístundastarfi í Reykjavík. Verðlaunin eru veitt fyrir verkefni sem þykja skara fram úr og vera til eftirbreytni. Markmiðið er að veita starfsfólki í skóla- og frístundastarfi hvatningu í starfi, vekja athygli á gróskumiklu fagstarfi í borginni og stuðla að nýbreytni.

Verðlaunin eru í formi viðurkenningarskjals og verðlaunagripa. Allir geta tilnefnt til hvatningarverðlaunanna; kennarar, starfsmenn, foreldrar og aðrar borgarstofnanir og er jafnan auglýst eftir tilnefningum í febrúar. Hvatningarverðlaunin eru afhent í lok skólaársins. 

Dómnefnd skipa fulltrúar skóla- og frístundaráðs og sviðsins, auk fulltrúa sem tilnefndir eru af fagfélögum og samtökum foreldra, SAMFOK.

Hvatningarverðlaun vegna grunnskólastarfs 2016 voru afhent á Öskudagsráðstefnunni 10. febrúar sl. Sjá frétt.
Frestur til að skila inn tilnefningum vegna leikskóla- og frístundastarfs er til 31. mars.

Hvatningarverðlaun fyrir framsækið frístundastarf verða afhent á Höfuð í bleyti, uppskeruhátíð starfsfólks frístundamiðstöðvanna, 29. apríl nk.

Hvatningarverðlaun fyrir framsækið leikskólastarf verða afhent á Stóra leikskóladeginum 27. maí nk.

Þarfnast þessi síða lagfæringar?

2 + 6 =