Hinsegin málefni

 
Verkefni mannréttindaskrifstofu sem snúa að kynhneigð og kynvitund í má sjá starfsáætlun í mannréttindamálum 2016Eldri starfsáætlanir í mannréttindamálum má nálgast hér.
 
Í mannréttindastefnu Reykjavíkurborgar kemur fram að óheimilt er að mismuna fólki vegna kyns. Hvatt er til jafnrar þátttöku og áhrifa kvenna, karla og kynsegin fólks í borgarsamfélaginu. Í stefnunni kemur einnig fram að óheimilt er að mismuna fólki vegna kynhneigðar, kynvitundar, kyntjáningar eða kyneinkenna. Sérstaklega er tekið fram að ekki skuli ganga út frá því að allt fólk sé gagnkynhneigt og sís-kynja, meðal starfsfólks borgarinnar, þjónustuþega og í uppeldis- og tómstundastarfi, menntunar og menningarstarfi. 
 
Rannsókn á meðal hinsegin starfsfólks hjá Reykjavíkurborg hefur leitt í ljós að þótt margir hafi góða reynslu af vinnustöðum borgarinnar einkennast vinnustaðirnir af gagnkynhneigðarhyggju. Enn fremur skorti fræðslu um málefni hinsegin fólks til að útrýma fordómum, en fordómar gagnvart hinsegin fólki fyrirfinnast á vinnustöðum borgarinnar.
 
Mannréttindaskrifstofa Reykjavíkurborgar veitir fræðslu og ráðgjöf um málefni hinsegin fólks. Hægt er að hafa samband við Svandísi Önnu Sigurðardóttur, sérfræðing í hinsegin- og jafnréttismálum í gegnum svandisanna@reykjavik.is
 
Reykjavíkurborg og Samtökin '78 gerðu árið 2015 samstarfssamning til tveggja ára. Samtökin '78 skuldbinda sig til þjónustu við hinsegin fólk í Reykjavík ásamt fræðslu í skólum og til fagstétta borgarinnar og er hægt að hafa samband við fræðslufulltrúa Samtakanna '78 í gegnum fraedsla@samtokin78.is.
 
 
 
Reykjavík - Heteró eða hinsegin? Nánar um rannsókn Freyju Barkardóttur á reynslu og upplifun hinsegin starfsfólks hjá Reykjavíkurborg.
 
Hinsegin hugtökin. Skilgreiningar á hinsegin hugtökum eins og kynhneigð, kynvitund og intersex. 
 
 
Glærukynning á verkefninu „Er Reykjavík bara heteró eða líka hinsegin?“ má finna hægra megin á síðunni undir Tengdum skjölum.

 

 

Þarfnast þessi síða lagfæringar?

8 + 1 =