Fundur nr. 5458

Fundur nr. 5458

Borgarráð

Ár 2017, fimmtudaginn 29. júní, var haldinn 5458. fundur borgarráðs. Fundurinn var haldinn í Ráðhúsi Reykjavíkur og hófst kl. 9.08. Viðstödd voru Sigurður Björn Blöndal, Halldór Auðar Svansson, Líf Magneudóttir, Heiða Björg Hilmisdóttir, Áslaug María Friðriksdóttir, Kjartan Magnússon og Sveinbjörg Birna Sveinbjörnsdóttir. Eftirtaldir embættismenn og aðrir starfsmenn sátu fundinn: Hrólfur Jónsson, Halldóra Káradóttir, Kristbjörg Stephensen, Hallur Símonarson, Björn Axelsson, Örn Sigurðsson og Linda Sif Sigurðardóttir.

Fundarritari var Sandra Dröfn Gylfadóttir.

  1. Lagt fram bréf borgarstjóra, dags. 22. júní 2017, um kosningu fulltrúa í borgarráð til eins árs sem fram fór á fundi borgarstjórnar þann 20. júní sl. R17060175

    Fylgigögn

  2. Lagt til að Sigurður Björn Blöndal verði kosinn formaður borgarráðs.

    Samþykkt.

    Borgarráðsfulltrúar Sjálfstæðisflokksins sitja hjá við afgreiðslu málsins.

    Lagt er til að Halldór Auðar Svansson verði kosinn varaformaður borgarráðs.

    Samþykkt.

    Borgarráðsfulltrúi Áslaug María Friðriksdóttir situr hjá við afgreiðslu málsins. R17060175

  3. Lögð fram fundargerð hverfisráðs Grafarvogs frá 13. júní 2017. R17010008

    Fylgigögn

  4. Lögð fram fundargerð hverfisráðs Háaleitis og Bústaða frá 19. júní 2017. R17010009

    Fylgigögn

  5. Lögð fram fundargerð íþrótta- og tómstundaráðs frá 22. júní 2017. R17010016

    Fylgigögn

  6. Lögð fram fundargerð samstarfsnefndar skíðasvæða höfuðborgarsvæðisins frá 1. júní 2017. R17010026

    Fylgigögn

  7. Lögð fram fundargerð skóla- og frístundaráðs frá 21. júní 2017 R17010019

    Fylgigögn

  8. Lögð fram fundargerð stjórnar Orkuveitu Reykjavíkur frá 15. maí 2017. R17010025

    Fylgigögn

  9. Lögð fram fundargerð stjórnar Strætó bs. frá 9. júní 2017. R17010027

    Fylgigögn

  10. Lögð fram fundargerð umhverfis- og skipulagsráðs frá 28. júní 2017. R17010021

    B-hluti fundargerðarinnar samþykktur.

    Fylgigögn

  11. Lögð fram fundargerð velferðarráðs frá 22. júní og fundargerð sameiginlegs fundar velferðarráðs með stjórn Félagsbústaða hf. frá 15. júní 2017. R17010028

    Fylgigögn

  12. Lagt fram bréf skrifstofu borgarstjórnar, dags. í dag, um embættisafgreiðslur erinda sem borist hafa borgarráði, alls 6 mál. R17050185

    Fylgigögn

  13. Lagt fram yfirlit yfir styrkumsóknir til borgarráðs ásamt fylgigögnum, dags. í dag. R17010042

    Samþykkt að veita Háskóla Íslands styrk að fjárhæð kr. 100.000 vegna Svipbrigða sársaukans (The many faces of pain).

    Borgarráðsfulltrúar Sjálfstæðisflokksins og Framsóknar og flugvallarvina sitja hjá við afgreiðslu málsins.

    Fylgigögn

  14. Lagt fram bréf umhverfis- og skipulagssviðs, dags. 22. júní 2017, sbr. samþykkt umhverfis- og skipulagsráðs frá 21. júní 2017 á auglýsingu um breytingu á deiliskipulagi Suður-Mjóddar, ásamt fylgiskjölum.  R17040112

    Samþykkt.

    Fylgigögn

    Bókanir við dagskrárlið: 

    Borgarráðsfulltrúi Sjálfstæðisflokksins leggur fram svohljóðandi bókun:

     

    Fulltrúar Sjálfstæðisflokksins styðja að tillagan verði auglýst svo íbúar og aðrir hagsmunaaðilar fái tækifæri til að tjá sig um þær breytingar, sem yrðu með henni á landnýtingu í Syðri-Mjódd. Þær breytingar eru til bóta sem snúa að breytingum á svæði Íþróttafélags Reykjavíkur og lóðum Félags eldri borgara við Árskóga 1-7. Sem fyrr leggjast borgarfulltrúar Sjálfstæðisflokksins hins vegar gegn því að stórri lóð verði úthlutað til bifreiðaumboðs í Syðri-Mjódd, ofan í bæði íbúabyggð og íþróttasvæði.

  15. Lagt fram bréf umhverfis- og skipulagssviðs, dags. 22. júní 2017, sbr. samþykkt umhverfis- og skipulagsráðs frá 21. júní 2017 á auglýsingu um breytingu á deiliskipulagi Háskóla Íslands vegna lóðarinnar nr. 29 við Hringbraut, ásamt fylgiskjölum. R17060191

    Samþykkt.

    Borgarráðsfulltrúar Sjálfstæðisflokksins og Framsóknar og flugvallarvina sitja hjá við afgreiðslu málsins.

    Fylgigögn

    Bókanir við dagskrárlið: 

    Borgarráðsfulltrúar Samfylkingarinnar, Bjartrar framtíðar, Vinstri grænna og Pírata leggja fram svohljóðandi bókun:

     

    Húsnæðisekla meðal stúdenta er brýnn vandi sem leita þarf lausnar á. Félagsstofnun stúdenta og Háskóli Íslands hafa hag af því að byggt sé upp á Háskólasvæðinu. Eðlilegt er að tillagan hljóti lögformlega auglýsingu.

     

    Borgarráðsfulltrúi Framsóknar og flugvallarvina leggur fram svohljóðandi bókun:

     

    Borgarráðsfulltrúi Framsóknar og flugvallarvina tekur undir umsögn Minjastofnunar og fellst ekki á byggingu á þessum stað en leggst þó ekki gegn því að tillagan verði auglýst enda felst ekki í því að tillagan sé samþykkt.

     

    Borgarráðsfulltrúar Sjálfstæðisflokksins leggja fram svohljóðandi bókun:

     

    Fulltrúar Sjálfstæðisflokksins telja athugasemdir Minjastofnunar það alvarlegar að ekki eigi að auglýsa deiliskipulagsbreytingu fyrr en vandlega hefur verið farið yfir þær athugasemdir. Minjastofnun telur að byggingin sé með öllu óásættanleg og að finna eigi henni annan stað í borgarlandinu.

  16. Lagt fram bréf umhverfis- og skipulagssviðs, dags. 22. júní 2017, sbr. samþykkt umhverfis- og skipulagsráðs frá 21. júní 2017 á lýsingu skipulagsfulltrúa frá 17. maí 2017 um nýtt deiliskipulag fyrir Hólmsheiði, athafnasvæði, ásamt fylgiskjölum. R17060174

    Samþykkt.

    Fylgigögn

  17. Lagt fram bréf umhverfis- og skipulagssviðs, dags. 15. júní 2017, sbr. samþykkt umhverfis- og skipulagsráðs frá 14. júní 2017 á breytingu á deiliskipulagi Skógarhlíðar vegna lóðarinnar nr. 20 við Skógarhlíð, ásamt fylgiskjölum. R17030118

    Samþykkt.

    Borgarráðsfulltrúi Framsóknar og flugvallarvina situr hjá við afgreiðslu málsins.

    Fylgigögn

  18. Lagt fram bréf umhverfis- og skipulagssviðs, dags. 26. júní 2017, þar sem óskað er eftir að borgarráð heimili sviðinu að bjóða út framkvæmdir við gatnagerð á Kirkjusandi, ásamt fylgiskjölum. R17060200

    Samþykkt.

     

    Ámundi Brynjólfsson tekur sæti á fundinum undir þessum lið.

     

    -             Kl. 09.47 víkur Örn Sigurðsson af fundinum.

     

    -             Kl. 09.57 víkur Björn Axelsson af fundinum.

    Fylgigögn

  19. Fram fer kynning á eftirfylgniúttekt innri endurskoðunar á rekstri, stjórnarháttum og hlutverki Félagsbústaða hf. R17050151

     

    Auðun Freyr Ingason og Sigrún Lilja Sigmarsdóttir taka sæti á fundinum undir þessum lið.

    Fylgigögn

  20. Lagt fram bréf mannréttindaskrifstofu, dags. 21. júní 2017, varðandi tillögur starfshóps um örugga miðborg. R17010308

    Borgarráð staðfestir tillögur starfshópsins.

     

    Anna Kristinsdóttir tekur sæti á fundinum undir þessum lið.

    Fylgigögn

  21. Fram fer kynning á Frístundastefnu í Reykjavík. R14120116

     

    Skúli Helgason, Sigrún Sveinbjörnsdóttir, Marta Guðjónsdóttir, Ómar Einarsson, Soffía Pálsdóttir og Berglind Magnúsdóttir taka sæti á fundinum undir þessum lið.

    Fylgigögn

  22. Lagt fram bréf skóla- og frístundasviðs, dags. 23. júní 2017, varðandi lækkun leikskjólagjalda, ásamt fylgiskjölum. R17040159

    Samþykkt með fjórum atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn tveimur atkvæðum borgarráðsfulltrúa Sjálfstæðisflokksins.

    Borgarráðsfulltrúi Framsóknar og flugvallarvina situr hjá við afgreiðslu málsins.

    Fylgigögn

    Bókanir við dagskrárlið: 

    Borgarráðsfulltrúar Sjálfstæðisflokksins leggja fram svohljóðandi bókun:

     

    Borgarráðsfulltrúar Sjálfstæðisflokksins greiða atkvæði gegn lækkun leikskólagjalda þar sem full þörf er á umræddum fjármunum til að bæta fjársvelta leikskóla borgarinnar. Viðhaldi fjölmargra leikskóla og leikskólalóða er mjög ábótavant, aðstæður starfsmanna eru víða ófullnægjandi og fjárveitingar til fæðiskaupa skornar við nögl. Rétt er að nota umrædda fjármuni til umbóta á leikskólum í stað þess að lækka leikskólagjöld.

     

    Borgarráðsfulltrúi Framsóknar og flugvallarvina leggur fram svohljóðandi bókun:

     

    Það er afstaða Framsóknar og flugvallarvina að vilja styðja við barnafjölskyldur á öllum skólastigum, en það er mat okkar að forgangsröðun hér sé röng og meirihlutinn sé að reyna að slá pólitískar keilur. En síðustu lækkunartilburðir meirihlutans á leikskólagjöldum voru aðeins til málamyndalækkanir sem skiluðu sér ekki til barnafjölskyldna þar sem fæðisgjald var hækkað samhliða. Á meðan að meirihlutinn getur ekki sett tillöguna fram með þeim hætti að þeir tryggi að fæðisgjöld hækki ekki samhliða, þá getum við ekki samþykkt hana.

  23. Lagt fram bréf skóla- og frístundasviðs, dags. 23. júní 2017, sbr. samþykkt skóla- og frístundaráðs frá 21. júní 2017 á tillögu skóla- og frístundaráðsfulltrúa Samfylkingarinnar, Bjartrar framtíðar og Vinstri grænna og áheyrnarfulltrúa Pírata varðandi rekstrarframlag til Félagsstofnunar stúdenta vegna Mánagarðs, ásamt fylgiskjölum. R17040076

    Samþykkt.

    Fylgigögn

  24. Lagt fram bréf skóla- og frístundasviðs, dags. 23. júní 2017, sbr. samþykkt skóla- og frístundaráðs frá 21. júní 2017 á tillögu skóla- og frístundaráðsfulltrúa Samfylkingarinnar og Bjartrar framtíðar og áheyrnarfulltrúa Pírata varðandi framlag til Waldorfskólans Sólstafa, ásamt fylgiskjölum. R16060080

    Samþykkt með sex atkvæðum. Borgarráðsfulltrúi Vinstri grænna situr hjá við afgreiðslu málsins.

    Fylgigögn

  25. Lagt fram bréf velferðarsviðs, dags. 26. júní 2017, sbr. samþykkt velferðarráðs frá 22. júní 2017 á tillögu velferðarráðsfulltrúa Samfylkingarinnar, Bjartrar framtíðar, Vinstri grænna og áheyrnarfulltrúa Pírata um að afnema sumarlokanir á félagsmiðstöðvum velferðarsviðs, ásamt fylgiskjölum. R17050171

    Samþykkt.

    Borgarráðsfulltrúar Sjálfstæðisflokksins sitja hjá við afgreiðslu málsins.

    Fylgigögn

    Bókanir við dagskrárlið: 

    Borgarráðsfulltrúar Samfylkingarinnar, Bjartrar framtíðar, Vinstri grænna og Pírata leggja fram svohljóðandi bókun:

     

    Í kjölfar efnahagshrunsins 2008 var farið í umfangsmiklar hagræðingar hjá Reykjavíkurborg. Ein aðgerðin sem farið var í á árunum eftir hrun var að loka 5 af 17 mötuneytum á félagsmiðstöðvum velferðarsviðs í um 4 vikur á sumrin og vísa fólki á hin 12 mötuneytin eða bjóða því heimsendan mat. Nú hefur verið tekin ákvörðun um að taka til baka sumarlokanir á félagsmiðstöðvunum fimm og hafa opið í mötuneytum félagsmiðstöðvanna frá kl. 10-14.

     

    Borgarráðsfulltrúar Sjálfstæðisflokksins leggja fram svohljóðandi bókun:

     

    Fulltrúar Sjálfstæðisflokksins telja það gleðilegt að ekki verði af sumarlokunum á félagsmiðstöðvum velferðarsviðs. Hins vegar er enn gert ráð fyrir að þjónustan verði skert og því sitja þeir hjá. Þjónusta við aldraða á að vera algjört forgangsmál og ekki er hægt að skilja af hverju meirihlutinn í borginni tekur ekki undir þá stefnu.

  26. Lagt fram bréf velferðarsviðs, dags. 26. júní 2017, sbr. samþykkt velferðarráðs frá 22. júní 2017 á tillögum að úthlutun þvert á hverfi úr forvarnarsjóði Reykjavíkurborgar fyrir árið 2017, ásamt fylgiskjölum. R16050239

    Fylgigögn

  27. Lögð fram að nýju tillaga borgarráðsfulltrúa Sjálfstæðisflokksins um endurskoðun á fyrirkomulagi eignarhalds á íbúðarlóðum, sbr. 37. lið fundargerðar borgarráðs frá 15. júní 2017. Jafnframt er lögð fram umsögn borgarlögmanns, dags. 26. júní 2017. R17060122

    Tillaga felld með fjórum atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn þremur atkvæðum borgarráðsfulltrúa Sjálfstæðisflokksins og Framsóknar og flugvallarvina.

    Fylgigögn

    Bókanir við dagskrárlið: 

    Borgarfulltrúar Sjálfstæðisflokksins leggja fram svohljóðandi bókun:

     

    Borgarfulltrúar Sjálfstæðisflokksins lýsa yfir undrun sinni á ómálefnalegri umsögn borgarlögmanns vegna tillögu um fyrirkomulag eignarhalds á íbúðarlóðum í borginni. Í tillögunni er einungis lagt til að núverandi fyrirkomulag verði endurskoðað og kannaðir kostir og gallar þess að breyta því með ákveðnum hætti. Sætir furðu að borgarlögmaður skuli taka harða afstöðu gegn því að slík skoðun fari fram enda verður ekki séð að neitt fjárhagslegt eða skipulagslegt óhagræði verði af skoðuninni sem slíkri. Sú afstaða, sem kemur fram í umræddri umsögn, er mjög kerfismiðuð og þar eru einungis tínd til rök gegn breytingu á núverandi fyrirkomulagi en ekkert fjallað um kostina. Full ástæða er því til að endurskoða núverandi fyrirkomulag þessara mála þótt það hafi verið óbreytt um áratugaskeið. Athyglisvert er að fulltrúar Samfylkingar, Bjartrar framtíðar, Pírata og Vinstri grænna skuli eindregið leggjast gegn því að þetta fyrirkomulag verði endurskoðað og kannaðir kostir og gallar breytingar, sem hefði tvímælalaust í för með sér mikla réttarbót fyrir fjölmarga lóðarhafa í Reykjavík, sem greiða gjöld af lóðum sínum eins og þeir væru eigendur þeirra en njóta einungis réttinda sem leigjendur.

  28. Lögð fram svohljóðandi tillaga borgarstjóra, dags. 26. júní 2017, ásamt fylgiskjölum:

     

    Lagt er til að borgarráð samþykki að veita alls 30,7 m.kr., af kostnaðarstaðnum ófyrirséð 09205, í bráðaviðgerðir á útilistaverkum í eigu Reykjavíkurborgar. Verkin sem ráðast á í viðgerðir á eru í umsjá Listasafns Reykjavíkur og hefur forvörður á vegum safnsins lagt mat á ástand verkanna. Áætlaður kostnaður vegna sérfræðivinnu og bráðaviðgerða í ár nemur tæpum 15,7 m.kr. Þá skal næstu þrjú árin veita 5 m.kr. árlega, alls 15 m.kr. til áframhaldandi viðgerða sem vísar til fjárhagsáætlunargerðar ársins 2018 og fimm ára áætlunar.

     

    Greinargerð fylgir tillögunni. R17060178

    Samþykkt.

    Fylgigögn

  29. Lagt fram bréf Stelpur rokka!, dags. 15. mars 2017, þar sem óskað er eftir endurnýjun þjónustusamnings við Reykjavíkurborg til þriggja ára, ásamt fylgiskjölum. Jafnframt er lögð fram umsögn íþrótta- og tómstundaráðs frá 9. júní 2017. R17050138

    Samþykkt.

    Fylgigögn

  30. Lagt fram bréf borgarstjóra, dags. 26. júní 2017, varðandi fyrirhugaða heimsókn borgarstjóra til Barcelona dagana 17. til 19. júlí 2017. R17020181

    Fylgigögn

  31. Lögð fram svohljóðandi tillaga borgarstjóra, dags. 22. júní 2017:

     

    Lagt er til að borgarráð veiti Institut de Cultura de Barcelona framlag sem nemur 45.000 evrum (5.351.289 ISK m.v. gengi dagsins), af kostnaðarstaðnum ófyrirséð 09205, vegna þátttöku Reykjavíkurborgar í  borgarhátíðinni La Mercè sem haldin verður 21.-24. september 2017. Upphæðin er alfarið eyrnamerkt framlagi íslenskra listamanna á hátíðinni.

     

    Samþykkt. R17010257

    Borgarráðsfulltrúi Framsóknar og flugvallarvina situr hjá við afgreiðslu málsins.

    Fylgigögn

  32. Lagt fram bréf Samtaka sveitarfélaga á höfuðborgarsvæðinu, dags. 18. maí 2017, varðandi tillögu að samkomulagi um miðlun upplýsinga vegna daggæslu í heimahúsum. Jafnframt er lögð fram umsögn Barnavistunar, dags. 14. júní 2017.

    Frestað. R17050144

    Fylgigögn

  33. Lagt fram bréf Samtaka sveitarfélaga á höfuðborgarsvæðinu, dags. 14. júní 2017, varðandi tillögu að nýjum samningstexta milli SSH og Fluglestarinnar-þróunarfélags ehf., ásamt fylgiskjölum. R16110082

    Samþykkt.

    Borgarráðsfulltrúi Framsóknar og flugvallarvina situr hjá við afgreiðslu málsins.

    Fylgigögn

    Bókanir við dagskrárlið: 

    Borgarráðsfulltrúar Sjálfstæðisflokksins leggja fram svohljóðandi bókun:

     

    Borgarráðsfulltrúar Sjálfstæðisflokksins samþykkja framlagðar breytingar á samningstexta milli SSH og Fluglestarinnar-þróunarfélags ehf. á þeirri forsendu að aðkoma Reykjavíkurborgar verði einskorðuð við skipulagslegan þátt málsins en hafi ekki í för með sér neinar skuldbindingar varðandi fjármögnun verkefnisins.

  34. Lagt fram bréf Samtaka sveitarfélaga á höfuðborgarsvæðinu, dags. 18. maí 2017, varðandi endurnýjun á þjónustusamningi við Fjölsmiðjuna, ásamt fylgiskjölum. Jafnframt er lögð fram umsögn velferðarsviðs, dags. 19. júní 2017. R17060185

    Samþykkt.

    Fylgigögn

  35. Lögð fram tillaga borgarstjóra, dags. 28. júní 2017, um fjárhagsramma fyrir svið borgarinnar vegna undirbúnings fjárhagsáætlunar fyrir árið 2018. Greinargerð fylgir tillögunni. R17020174

    Samþykkt.

    Borgarráðsfulltrúar Sjálfstæðisflokksins og Framsóknar og flugvallarvina sitja hjá við afgreiðslu málsins.

    Fylgigögn

  36. Lagt fram bréf fjármálaskrifstofu, dags. 26. júní 2017, þar sem lagðar eru fram forsendur fjárhagsáætlunar Reykjavíkurborgar fyrir árið 2018 og forsendur fimm ára áætlunar 2018-2022 sem eru skv. þjóðhagsspá Hagstofu frá 31. maí sl. R17020174

    Fylgigögn

  37. Lagðar fram tillögur matsnefndar um veitingu stofnframlaga vegna uppbyggingar á leiguhúsnæði í Reykjavík, dags. 26. júní 2017, ásamt fylgiskjölum. R17060105

    Samþykkt.

     

    Grétar Þór Jóhannsson og Guðlaug S. Sigurðardóttir taka sæti á fundinum undir þessum lið.

    Fylgigögn

  38. Lagt fram bréf menningar- og ferðamálasviðs, dags. 27. júní 2017, sbr. samþykkt menningar- og ferðamálaráðs frá 26. júní 2017 á samstarfssamningi um rekstur Iðnó, dags. 22. júní 2017, ásamt fylgiskjölum. R17060169

    Samþykkt.

    Fylgigögn

  39. Lagt fram bréf skrifstofu eigna og atvinnuþróunar, dags. 23. júní 2017, þar sem óskað er eftir að meðfylgjandi leigusamningur um Vonarstræti 3, Iðnó, við Gómsætt ehf. verði samþykktur, ásamt fylgiskjölum. R17060169

    Samþykkt.

    Fylgigögn

  40. Lagt fram bréf skrifstofu eigna og atvinnuþróunar, dags. 26. júní 2017, þar sem óskað er eftir samþykki borgarráðs á nýjum lóðarhafa að lóðinni nr. 19 við Bæjarflöt, ásamt fylgiskjölum. R17060179

    Samþykkt.

     

    -             Kl. 12.03 víkur Heiða Björg Hilmisdóttir af fundinum.

    Fylgigögn

  41. Lögð fram svohljóðandi tillaga borgarráðsfulltrúa Framsóknar og flugvallarvina:

     

    Framsókn og flugvallavinir gera tillögu um að SEA og borgarlögmaður útfæri og leggi fyrir borgarráð tillögur og hugmyndir um hvernig hægt er að setja framsalstakmarkanir/-kvaðir í nýja lóðarleigusamninga, við endurnýjun lóðarleigusamninga eða breytingar þegar gildandi lóðarskilmálum er breytt, eða nýir lóðarsamningar gerðir vegna sameininga lóða eða breytinga á lóðarmörkum, þannig að óheimilt sé að framselja lóðir nema að ákveðnu byggingarstigi sé náð, t.d. fokheldi. Tillögur og hugmyndir skulu liggja fyrir eigi síðar en í lok ágúst 2017.

     

    Greinargerð fylgir tillögunni. R17060226

    Frestað.

  42. Lögð fram svohljóðandi tillaga borgarráðsfulltrúa Sjálfstæðisflokksins:

     

    Lagt er til að Félagi eldri borgara verði úthlutað lóð undir fjölbýlishús í Syðri-Mjódd til viðbótar þeim tveimur lóðum sem félaginu hefur nú þegar verið úthlutað á svæðinu. Mikil spurn er eftir íbúðum félagsins og ljóst að það þarf á fleiri lóðum að halda til að geta svarað henni. Margvíslegt hagræði verður af því að úthluta félaginu slíkri viðbótarlóð sem næst öðrum lóðum er félagið hefur nú þegar fengið til uppbyggingar í Mjóddinni. Ljóst er t.d. að hagkvæmt er að koma slíkri viðbótarlóð fyrir sem næst þjónustumiðstöð velferðarsviðs að Árskógum 4 sem veitir eldri borgurum mikilvæga þjónustu. R17060227

     

    Frestað.

  43. Lögð fram svohljóðandi tillaga borgarráðsfulltrúa Sjálfstæðisflokksins:

     

    Fulltrúar Sjálfstæðisflokksins óska eftir upplýsingum um hvort legið hafi fyrir að umtalsverður kostnaður fylgdi þeirri ákvörðun að þiggja boð Barcelonaborgar um að Reykjavíkurborg yrði heiðursgestur á borgarhátíðinni La Mercè. R17060228

     

    -             Kl. 12.10 víkur Áslaug María Friðriksdóttir af fundinum.

Fundi slitið klukkan 12:11

Sigurður Björn Blöndal
Líf Magneudóttir
Kjartan Magnússon
Halldór Auðar Svansson

Þarfnast þessi síða lagfæringar?

7 + 10 =