Betri hverfi

Hugmyndasöfnun hefst 27. febrúar
20.02.2018
Hugmyndasöfnun í íbúalýðræðisverkefninu Hverfið mitt hefst í næstu viku, 27. febrúar og stendur til 20. mars.  Allir geta sett hugmyndir á sérútbúinn vef á þessum tíma. Í framhaldinu verður svo unnið úr hugmyndum og þeim stillt upp fyrir kosningu meðal íbúa í október. Verkefnin sem kosin verða í ár koma til framkvæmda á næsta ári.
Þátttaka í kosningum íbúalýðræðisverkefnisins Hverfið mitt hefur aldrei verið betri
21.11.2017
Þátttaka í kosningum íbúalýðræðisverkefnisins Hverfið mitt hefur aldrei verið betri, en kosningaþátttaka var 10,9%.  Kosningaþátttaka árið 2016 var 9,4% og þar áður 7,3%.  Atkvæðisrétt höfðu allir íbúar í Reykjavík 16 ára og eldri og voru nærri 102 þús íbúar á kjörskrá. Af þeim nýttu sér 11.113 rétt sinn til að kjósa.  Kosningar stóðu yfir á vefnum Hverfið mitt 3. – 19. nóvember.
Kosningar eru hafnar
03.11.2017
Kosningar á Hverfidmitt.is eru hafnar og standa þær til 19. nóvember.  Íbúar í Reykjavík kjósa hvaða hugmyndir koma til framkvæmda á næsta ári.
Hverfið mitt - frá hugmynd til framkvæmda
31.10.2017
Kosningar í íbúalýðræðisverkefninu Hverfið mitt hefjast á föstudag 3. nóvember og standa til 19. nóvember. Allir sem verða 16 ára í ár og eldri geta kosið.
Sigurlaug Sigurðardóttir setti inn hugmynd á Hverfið mitt
26.09.2017
Í framhaldi af hugmyndasöfnun meðal íbúa var í sumar settur upp Pétanque völlur við Gufunesbæ í Grafarvogi og er hann opinn öllum borgarbúum til æfinga. Völlurinn er sá fyrsti á Íslandi  sem er sérstaklega gerður fyrir pétanque og uppfyllir hann staðla sem keppnisvöllur 4x15 metrar hver braut.
Horft inn Grafarvoginn
25.09.2017
Dagur B. Eggertsson borgarstjóri boðar til íbúafundar um málefni Grafarvogs miðvikudaginn 27. september kl. 20.00 í Borgum, félags- og menningarmiðstöðinni Spönginni 43. Allir eru velkomnir og heitt verður á könnunni fyrir fundinn.
17. júní í miðbæ Reykjavíkur, ljósmyndari Peter Kidson, Ljósmyndasafn Reykjavíkur
13.06.2017
Dagskrá Þjóðhátíðardagsins í Reykjavík er glæsileg en aðalhátíðarhöldin fara fram kringum tjörnina í Reykjavík en ennfremur í aðliggjandi görðum og götum. Í boði verða fjölskylduskemmtanir, tónleikar, götuleikhús, dansveisla, sirkus, leiktæki, veitingatjöld, íþrótta- og fornbílasýningar og margt margt fleira.  
Hreinsum Reykjavík saman
26.04.2017
Átakið Hreinsum saman - tökum þátt og tínum rusl á vegum Reykjavíkurborgar mun standa yfir daganna 2.-7. maí líkt og í fyrra. Þá tóku fjölmargir borgarbúar virkan þátt í hreinsuninni og vonir standa til að svo verði einnig núna.
Hafnarbolti í Reykjaík - Hugmyndasöfnun fyrir Hverfið mitt.
30.03.2017
Hugmyndasöfnun á vefnum hverfidmitt.is gekk vonum framar en alls bárust 1.080 hugmyndir og er nýtt met. Síðast bárust 915 hugmyndir og þar áður voru þær 597 talsins.
""
24.03.2017
Hugmyndasöfnun á hverfidmitt.is lýkur á miðnætti í dag, föstudaginn 24. mars.  Í morgun var fjöldi hugmynda kominn yfir 850 og stefnir í að fyrra met í fjölda hugmynda verði slegið en í fyrra skiluðu sér rúmlega 900 hugmyndir.