Dagur B. Eggertsson borgarstjóri mun heimsækja Kjalarnes næstkomandi fimmtudag, 30 mars, vegna undirbúnings fyrir hverfisskipulag Kjalarnes. Borgarstjóri mun heimsækja fyrirtæki og stofnanir auk þess að sitja íbúafund um hverfisskipulagið í félagsheimilinu Fólkvangi sem hefst kl. 17:30.
Hverfisskipulag er ný áætlun fyrir öll hverfi Reykjavíkur, sem sýnir hvar styrkleikar og veikleikar þeirra liggja. Skipulaginu er ætlað að auðvelda skipulagsvinnu, áætlanagerð auk þess að hvetja fólk til að taka þátt í að móta hverfið sitt. Nú er komið að því að leita til íbúa um þátttöku í mótun hverfisskipulags fyrir Kjalarnes.
Dagskrá
Borgarstjóri heimsækir fyrirtæki og stofnar á Kjalarnesi
Viðvera verkefnisstjóra hverfisskipulags frá kl. 15.00 - 17.00 í félagsheimilinu Fólkvangi
Íbúafundur borgarstjóra um hverfisskipulag frá kl 17.30 - 19.00 í félagsheimilinu Fólkvangi
Meðal efnis á fundinum verða framkvæmdir í hverfinu og undirbúningur að nýju hverfisskipulagi.
Sérstaklega verður leitað eftir hugmyndum íbúa um breytingar og úrbætur í borgarhlutanum.
Foreldrar og nemendur í Klébergsskóla eru sérstaklega boðin velkomnir