Morgunverðarfundur Náum áttum hópsins, sem verður haldinn miðvikudaginn 8. febrúar frá 08.15-10.00 á Grand hóteli, fjallar að þessu sinni um umfang kannabisneyslu, þróun neyslunnar og áhrif á samfélagið.
Margrét Lilja Guðmundsdóttir,sérfræðingur hjá Rannsókn og greiningu og aðjúnk á íþróttafræðisviði Háskólans í Reykjavík, fjallar um vímuefnaneyslu í framhaldsskólum. Bara gras? Að lýsa og upplýsa heitir erindi Árna Einarssonar, framkvæmdastjóra Fræðslu og forvarna. Að lokum fjallar Helgi Gunnlaugsson, afbrotafræðingur og prófessor í HÍ, um kannabisneyslu meðal fullorðinna.
Fundarstjóri er Rafn Jónsson, verkefnastjóri hjá Embætti landlæknis. Fundurinn er öllum opinn á meðan húsrúm leyfir en nauðsynlegt er að fólk skrái þátttöku sína á heimasíðunni www.naumattum.is. Þátttökugjald er 2.400 krónur en innifalið í því er morgunverður.