Sund- og menningarkort fyrir atvinnulausa og þá sem eru á fjárhagsaðstoð í Reykjavík
Mannlíf Mannréttindi
Tillaga velferðarráðs um að sundferðir og menningarkort verði gjaldfrjáls fyrir atvinnulausa og einstaklinga með fjárhagsaðstoð til framfærslu í Reykjavík árið 2017 var samþykkt á fundi borgarráðs í dag, 26. janúar.
Greitt hefur verið fyrir sundferðir og bókasafnsskírteini undanfarin ár en mikilvægt er að koma í veg fyrir vanvirkni og félagslega einangrun langtímaatvinnulausra sem og fólks á fjárhagsaðstoð. Menningarkort stendur nú til boða í fyrsta sinn en inni í því er m.a. aðgangur að öllum söfnum borgarinnar, líka bókasöfnum.
Með þessu er hægt að bjóða notendum fjárhagsaðstoðar og langtímaatvinnulausum, tækifæri til virkni. Einstaklingur getur sótt um kortin á Þjónustumiðstöð í sínu hverfi.
Þjónustumiðstöðvar:
- Þjónustumiðstöð Vesturbæjar, Miðborgar og Hlíða, Laugavegi 77, s. 411 1600
- Þjónustumiðstöð Laugardals og Háaleitis, Efstaleiti 1, s. 411 1500
- Þjónustumiðstöð Grafarvogs og Kjalarness, Miðgarður, Gylfaflöt 5, s. 411 1400
- Þjónustumiðstöð Breiðholts, Álfabakka 12, s. 411 1300
- Þjónustumiðstöð Árbæjar og Grafarholts, Hraunbæ 115, s. 411 1200
- Upplýsingar er einnig hægt að fá hjá Þjónustuveri Reykjavíkurborgar sími 411 1111