Niðurstöður liggja fyrir úr kosningu í fjölmenningarráð Reykjavíkur til ársins 2021. Kosningin fór fram rafrænt á vegum Maskínu, dagana 1.- 8. apríl 2017 en alls buðu tíu einstaklingar sig fram til setu í ráðinu.
Fjölmenningarráð er skipað fimm einstaklingum, þrem fulltrúum kjörnum á fjölmenningarþingi og tveim fulltrúum skipuðum af borgarstjórn. Fjölmenningarráð skal vera borgarstjórn, nefndum og ráðum Reykjavíkurborgar til ráðgjafar um málefni og hagsmuni borgarbúa sem snúa að innflytjendum.
Á kjörskrá voru allir þeir sem voru skráðir voru til þátttöku á fjölmenningarþingi Reykjavíkurborgar 2017 og búsettir í Reykjavík, eða 88 einstaklingar.
Alls kusu 41 einstaklingar í kjörinu eða 46,6% af þeim sem á kjörskrá voru. Tveir aðilar voru jafnir í þriðja og fjórða sæti og þurfti kjörstjórn að varpa hlutkesti á milli aðila. Ráðsmenn eru allir nýir í fjölmenningarráði og er þeim óskað velfarnaðar í starfi.
Eftirtaldir hlutu kosningu sem aðalmenn í fjölmenningarráði:
- Herianty Novita Seiler frá Indónesíu
- Tami la Gámez Garcel frá Kúbu
- Katarzyna Lukosek frá Póllandi
Varamenn eru:
- Maciej Tadeusz Chmielewski frá Póllandi
- Leyla Eve frá Bretlandi
- Dino Ðula frá Króatíu