70 myndir kepptu til verðlauna á stuttmyndakeppni grunnskólanna í Bíó Paradís.
Á kvikmyndahátíðinni Taka 2016 ríkti bæði gleði og eftirvænting þegar sýningar á bestu myndum ársins fóru fram í Bíó Paradís. Salurinn var þétt setinn börnum og unglingum, en verðlaun voru veitt í flokki yngri og eldri nemenda fyrir hreyfimyndir, heimildarmyndir og stuttmyndir. Einnig voru veitt verðlaun fyrir tónlistarmyndbönd.
Matthías Schram og Patrekur Thor, nemendur í Vesturbæjarskóla fóru með sigur af hólmi Í flokki stuttmynda yngri nemenda, en þeir gerðu myndina Matti og Patti fara í Nexus
Sjö nemendur í Árbæjarskóla; Rampa, Lilja Dís, Jenný María, Katrín María, Katrín Inga, Iveta og Lóa Björg sigruðu í flokki stuttmynda eldri nemenda með myndinni Leiði.
Þrjár heimildarmyndir fengu viðurkenningu; Í eldri flokki fóru Fannar Steinn, Ágúst Heiðar, Sigurður Jökull og Viktor Gísli nemendur í Sæmundarskóla með sigur af hólmi með myndinni Lögmál Newtons. Í yngri flokki sigraði Tómas Nói í Hlíðaskóla með myndinni Bak við tjöldin.
Hera Lind Birgisdóttir nemandi í Háteigsskóla sigraði í flokki hreyfimynda eldri nemenda með stórskemmtilegri mynd sinni Morgunmatur.
Í flokki hreyfimynda yngri nemenda sigruðu þau Tómas Nói og Sunna Xiao nemendur í Hlíðaskóla með mynd sinni um Skúla fógeta.
Verðlaun fyrir tónlistarmyndbönd fóru í eldri flokki til nemenda í Árbæjarskóla og í þeim yngri til nemenda í Grandaskóla.