Jólaskógurinn opnar í Ráðhúsi Reykjavíkur

fimmtudagur, 7. desember 2017

Dagur B. Eggertsson borgarstjóri opnaði jólaskóginn í Tjarnarsal ráðhússins í dag með skemmtilegri dagskrá. Börn frá leikskólunum Grænuborg, Tjörn og Miðborg komu í heimsókn í jólaskóginn og fengu smákökur og heitt kakó.

  • Grýla og Leppalúði stilltu sér upp með börnunum
    Grýla og Leppalúði stilltu sér upp með börnunum
  • Dagur B. Eggertsson, borgarstjóri, heilsaði upp á börnin og opnaði jólaskóginn
    Dagur B. Eggertsson, borgarstjóri, heilsaði upp á börnin og opnaði jólaskóginn
  • Heitt súkkulaði með rjóma og smákökur voru í boði fyrir börnin
    Heitt súkkulaði með rjóma og smákökur voru í boði fyrir börnin
  • Börnin virtu fyrir sér jólatrén í jólaskóginum og drukku heitt súkkulaði.
    Börnin virtu fyrir sér jólatrén í jólaskóginum og drukku heitt súkkulaði.
  • Grýla og Leppalúði stilltu sér upp saman fyrir myndatöku
    Grýla og Leppalúði stilltu sér upp saman fyrir myndatöku
  • Notaleg stund
    Notaleg stund
  • Grýla og Leppalúði
    Grýla og Leppalúði
  • Jólavættir eru komnar á stjá í borginni, nú er bara að taka þátt í jólaleiknum og leita að þeim!
    Jólavættir eru komnar á stjá í borginni, nú er bara að taka þátt í jólaleiknum og leita að þeim!

Grýla og Leppalúði mættu á svæðið og sögðu börnunum sögur af  jólasveinunum, sem koma brátt til byggða, og sungin voru jólalög.

Jólavættirnar fara á stjá í dag og má sjá þær á vappi víðs vegar um borgina það eru Rauðhöfði, Leiðindaskjóða, Stekkjastaur, Hurðaskellir, Gluggagægir, Skyrgámur, Bjúgnakrækir,  Stúfur, Grýla, Leppalúði, Jólakötturinn, tvíburarnir Surtla og Sighvatur og Kattarvali.

Allir eru hvattir til að taka þátt í fjölskylduleiknum sem byggist á því að hafa upp á vættunum og svara léttum og skemmtilegum spurningum um þessa fjölbreyttu jólasveinafjölskyldu. Hægt er að nálgast ratleikinn í Ráðhúsi Reykjavíkur, í Listasafni Reykjavíkur, Hafnarhúsinu og á Kjarvalsstöðum en á þessum stöðum er einnig hægt að sjá allar jólavættirnar á einum stað.

Þá er hægt að nálgast leikinn á vefnum jolaborgin.is. Vegleg verðlaun eru í boði fyrir þann sem sigrar í leiknum en hægt er að skila svörum til Höfuðborgarstofu í Ráðhúsi Reykjavíkur fyrir 27. desember nk.

Það verður margt skemmtilegt í boði á aðventunni í Reykjavík. Meginmarkmiðið er að skapa áhrifaríka og skemmtilega jólaupplifun í borginni á einfaldan hátt í góðu samstarfi við fjölda samstarfsaðila víðs vegar á höfuðborgarsvæðinu.

Sjá dagskrá á aðventunni á jolaborgin.is