Íbúar kusu um framkvæmdir í hverfum borgarinnar

Kjörstjórn fór í gær yfir niðurstöðu kosninga um úthlutun fjármagns til smærri nýframkvæmda- og viðhaldsverkefna í hverfum Reykjavíkurborgar. Á kjörskrá voru 99.034 íbúar en af þeim kusu 9.292. Kosningaþátttakan var því 9.4% og hækkar úr 7.3% árið 2015. 

Hér í fréttinni eru teknar saman helstu niðurstöður, en þær má skoða nánar í ítarlegri samantekt verkefnisstjóra:  Hverfið mitt 2016 - samráðsverkefni um úthlutun fjármagns: Niðurstöður rafrænna kosninga sem fram fóru dagana 3. - 17 nóvember 2016

Konur virkari kjósendur og öflugastar á Kjalarnesi

Í samantekt kjörstjórnar kemur fram að fleiri konur tóku í heildina þátt en karlar eða 58 % á móti 42% og er mynstrið svipað í öllum hverfum. Konur eru alls staðar fleiri í hópi þátttakenda en karlar annað árið í röð. Alls voru 49.699 konur á þjóðskrá og tóku 5.430  þeirra þátt eða 10.9%. Karlar voru 49.335 á kjörskrá og tóku 3.907 þeirra þátt, eða 7.9%.

Hlutfallslega tóku flestar konur þátt á Kjalarnesi, eða 15,4%. Næst hæst var hlutfall kvenna í Grafarholti og Úlfarsárdal eða 13,5%. Lægsta hlutfall kvenna var í Breiðholti en þar tóku 8,1% þeirra þátt. Hlutfallslega tóku flestir karlar þátt í Grafarholti og Úlfarsárdal, eða 10,6%. Næst hæsta hlutfall karla var í Vesturbæ 9,5%. Lægsta hlutfall karla var í Breiðholti 5,5%.

Mest þátttaka í Grafarholti og Úlfarsárdal

Þátttaka í kosningunum var mest í Grafarholti og Úlfarsárdal eða 12,1%. Í Hlíðum tóku 11,1% þátt og Vesturbær Laugardalur og Grafarvogur voru öll með yfir 10% þátttöku.  Minnst var þátttakan í Breiðholti þar sem 6.8% íbúa tóku þátt, en hún jókst þó frá fyrra ári. Meiri þátttaka var nú í öllum hverfum en síðast.

Hlutfallsleg kosningaþátttaka:
1. Grafarholt og Úlfarsárdalur - 12,1%
2. Hlíðar - 11,1%
3. Laugardalur - 10,7%
4. Grafarvogur - 10,4%
5. Vesturbær - 10,0%
6. Árbær 9,9%
7. Kjalarnes - 9,5%
8. Háaleiti  - 8,7%
9. Miðborg - 7,5%
10. Breiðholt - 6,8%

Verkefni valin til framkvæmda

Íbúar kusu um úthlutun fjármagns til smærri nýframkvæmda og viðhaldsverkefna. Til ráðstöfunar voru 450 milljónir króna, sem er 50% hækkun frá fyrra ári. Fjármunum er skipt milli hverfa eftir reiknireglu sem tekur mið af fjölda íbúa í hverju hverfi (borgarhluta). Hér fyrir neðan er upptalning á verkefnum eftir hverfum og nánar má sjá skiptingu í skýrslu verkefnisstjórnar.  Verkefnin koma til framkvæmda á næsta ári.

Árbær – Valin verkefni 

1. Endurnýja gangstéttar við Rofabæ
2. Snjóbræðsla í stíg hjá Árbæjarlaug
3. Drykkjarfontur á krossgötur í Elliðaárdal
4. Fleiri bekki í hverfið
5. Lagfæra svæðið á milli kirkju og skóla
6. Gönguleið  við Fylkissel
7. Upplýsingaskilti um gömlu þjóðleiðina
8. Betri lýsing á göngustíg meðfram Höfðabakka frá Bæjarhálsi að Elliðaárdal
9. Betri gönguleið frá Viðarási að Reykási
10. Leiktæki fyrir yngri börn í Norðlingaholti
11. Innskotsstæði við Björnslund
12. Betri göngustíg frá Búðavaði að malarstíg
13. Barnvænar ruslatunnur

Breiðholt – Valin verkefni  

1. Fleiri ruslastampa í hverfið
2. Hreinsa tjörnina í Seljahverfi
3. Fjölskyldusvæði í efra Breiðholti
4. Fegra Markúsartorg við Gerðuberg
5. Lagfæra gangstéttar við Vesturberg
6. Áningarstaður í Seljahverfi
7. Dvalarsvæði fyrir unga fólkið
8. Torg á horni Seljabrautar og Engjasels
9. Lagfæra krappa beygju í Elliðaárdal
10. Þrautarbraut og klifurtæki á opið svæði í bökkunum
11. Gróðursetja meðfram Stekkjarbakka gengt Mjódd
12. Fegra opið svæði við Dverga- og Blöndubakka
13. Stígur á milli Dverga- og Arnarbakka
14. Fleiri hjólastandar í hverfið
15. Merkja götur við göngu- og hjólastíga í bökkunum
16. Gönguleið í beygjunni við Arnarbakka
17. Bæta leiksvæðið við Unufell

Grafarholt og Úlfarsárdalur - Valin verkefni 

1. Ruslastampa við Reynisvatn
2. Fleiri bekki og ruslafötur við stígana í dalnum
3. Frisbígolf í Leirárdal
4. Gróðursetja víða í Grafarholtinu
5. Bekkir á Kristnibraut og Gvendargeisla í átt að Reynisvatni
6. Rækta upp svæðið í kringum hringtorg við Biskupsgötu
7. Barnvænar ruslatunnur

Grafarvogur – Valin verkefni  

1. Ný vatnsrennibraut  í sundlaug Grafarvogs
2. Fjölga ruslastömpum í hverfinu
3. Leiktæki fyrir yngri börn við Gufunesbæ
4. Gróðursetja á svæðið við Spöng
5. Fleiri bekki við göngustíga
6. Fleiri ungbarnarólur í hverfið
7. Bekkur við útsýnisspjald við Melaveg
8. Skógrækt við Gufunesbæ
9. Tengja göngustíga við Rimaskóla
10. Gróðursetning við gatnamót Hallsvegar og Strandvegar
11. Útiæfingatæki
12. Gera göngustíga úr botnlöngum í Vættaborgum
13. Pétanque völlur við Gufunesbæ
14. Bekkur í Fjölnislitum

Háaleiti og Bústaðir – Valin verkefni  

1. Fjölga ruslastömpum í hverfinu
2. Laga þrep og stíg við Bústaðaveg og Austurgerði
3. Mála listaverk á Réttarholtsskóla
4. Söguskilti um hitaveitustokkinn
5. Dvalarsvæði í Grundargerðisgarði
6. Fleiri bekki í Háaleitishverfið
7. Ungbarnarólur með foreldrasæti
8. Endurgera stíg milli Kúrlands og Bústaðavegar
9. Gróðursetja á valin svæði í Fossvogsda
10. Gera dvalarsvæði á opnu svæði við Hvassaleiti 1-9
11. Fegra og bæta leiksvæði í Úlfaskógi
12. Gangbrautarljós yfir Háaleitisbraut við Lágmúla

Hlíðar – Valin verkefni

1. Bæta öryggi vegfarenda við undirgöngin við Hlíðarenda
2. Bekkir og ruslafötur í Öskjuhlíð
3. Fleiri bekki við gönguleiðir í hverfinu
4. Hringtorg á Rauðarárstíg við Flókagötu
5. Lagfæra net og setja lægri körfur á Klambratúnsvellinum
6. Lagfæra göngustíg um Veðurstofuhæð
7. Upphækkuð gönguleið í Hamrahlíð við Stigahlíð
8. Gangbrautarljós yfir Lönguhlíð við Bólstaðarhlíð
9. Pétanque völlur á Klambratún
10. Fegra svæðið umhverfis Eskihlíð 2-4  

Kjalarnes – Valin verkefni   

1. Borð og bekki fyrir utan Fólkvang
2. Hrein fjara
3. Fegra innkomuna í hverfið
4. Matjurtagarðar við Fólkvang
5. Snúningstæki og fleiri tæki á leiksvæðið við Esjugrund
6. Fleiri hjólastandar í hverfið
7. Reykjavíkurskilti
8. Listaverk - Reykjavíkuraugun
9. Listaverk – Laupurinn

Laugardalur –  Valin verkefni   

1. Útigrill í Laugardalinn
2. Heit vaðlaug í Laugardalinn
3. Endurnýja gangstétt milli Leiru- og Rauðalækjar
4. Körfuboltakarfa við Ljósheimaróló
5. Ungbarnarólur á Ljósheimaróló
6. Gróðursetja við Laugarnesveg
7. Endurbæta leikvöll milli Bugðu- og Rauðalækjar
8. Hringtorg, Kirkjusandur- Laugarnesvegur
9. Gróðursetja við hljóðmön
10. Gróðursetja tré á Sæbraut
11. Útiaðstaða og bókaskápur við Sólheimasafn
12. Fallegri lokun Rauðalækjar
13. Hærri upphífingarstangir í Laugardalinn
14. Dvalarsvæði við Rauðalæk
15. Hraðavaraskilti á Gullteig

Miðborg –  Valin verkefni

1. Fleiri ruslastampa í Miðborgina
2. Fleiri bekki í Miðborgina
3. Heit vaðlaug í Hljómskálagarðinn
4. Bæta útigrillin í Hljómskálagarðinum og setja þak yfir þau

Vesturbær – Valin verkefni   

• Leggja göngu- og hjólastíg aftan við Olís Ánanaust
• Bæta og fegra skúrana við Ægisíðu
• Betri lýsingu á stíg milli Hofsvallagötu og Kaplaskjólsvegar
• Ný gangstétt og hjólavísar á Birkimel
• Ljóð sem birtast í rigningu
• Betri sparkvelli á Ægisíðu og Sörlaskjóli
• Sleðabrekka á Lynghagaróló
• Gangbrautarljós yfir Ánanaust
• Ungbarnarólur með foreldrasæti
• Drykkjarfontur á Eiðsgranda
• Lengja gangstétt milli Ála- og Flyðrugranda

Nánari upplýsingar:

• Samantekt verkefnisstjóra:  Hverfið mitt 2016 - samráðsverkefni um úthlutun fjármagns: Niðurstöður rafrænna kosninga sem fram fóru dagana 3. - 17 nóvember 2016
• Upplýsingasíðan Hverfið mitt