Áframhaldandi samstarf um Fab Lab í Breiðholti

Atvinnumál Mannlíf

""

Dagur B. Eggertsson borgarstjóri, Guðrún Hrefna Guðmundsdóttir skólameistari Fjölbrautaskólans í Breiðholti og Þorsteinn Ingi Sigfússon forstjóri Nýsköpunarmiðstöðvar Íslands undirrituðu í gær samning um áframhaldandi samstarf um rekstur Fab Lab smiðju í Breiðholti.

Auk nemenda í FB koma í smiðjuna einnig háskólanemendur, listafólk, íbúar Breiðholts og almenningur til þess raungera hugmyndir sínar með hjálp stafrænnar tækni.

Fab Lab smiðjan var opnuð í Breiðholti árið 2014 og var þá fyrst í Eddufelli en flutti í ný  húsakynni í Fjölbrautaskólanum í Breiðholti á síðasta ári.

Fab Lab smiðjan er vel nýtt af borgarbúum en um  50 grunnskólar í Reykjavík nýta sér smiðjuna á hverju á ári.  Yfir 1300 nemendur fá kennslu í smiðjunni árlega og yfir 220 kennarar hafa heimsótt smiðjurnar með nemendum sínum.

Dæmi um áhugaverð verkefni sem unnin hafa verið í Fab Lab smiðjunni í Reykjavík eru róbótar, drónar, tæknifatnaður, landslagslíkön og ýmis konar rafeindabúnaður.

Verkefnastjóri Fab Lab Reykjavíkur er Linda Wanders.

Nánari upplýsingar: