English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Ódýrari frístundir
Árið 2012 fengu þrjú verkefni styrk vegna „ódýrari frístunda“ í Vesturbænum en upphæðin sem Hverfisráð vesturbæjar hafði til umráða var 1.000.000 kr. Skiptingin á fjármununum var eftirfarandi:
Myndlistarskóli Reykjavíkur. Vorlaukar – verkefnið fór ekki af stað þar sem ekki náðist næg þátttaka. Styrkupphæð var kr. 333.000 sem endurgreiðist til ÍTR.
Fjallahjólaklúbburinn. Hjólafærni – verkefnið fór ekki af stað, umsjónaraðilar töldu sig ekki hafa fengið upplýsingar um fjárveitingu frá Vesturgarði. Áhugi var fyrir því af hálfu Fjallahjólaklúbbsins að hefja verkefnið. Styrkupphæð var kr. 333.000. Í janúar 2013 var ákveðið að klúbburinn fengi þennan styrk enda höfðu þeir verkefni sem myndi falla undir „ódýrari frístundir. Unnið verður að því á næstu mánuðum.
Frostaskjól. Stjörnuver – Verkefnið var unnið á vorönn 2012. Þátttaka var mjög góð en alls tóku um 1300 börn og unglingar þátt. Allar stofnanir SFS í hverfinu gátu tekið þátt í verkefninu. Styrkupphæð var kr. 333.000.
ÍTR úthlutaði einum styrk til 16+ verkefnis í Frostaskjóli.
Frostaskjól. 16-18 Ungmennahús. Verkefnið var í gangi frá janúar - desember 2012 og unnið í samvinnu við Vesturgarð og önnur ungmennahús í borginni. Markmiðið með starfinu var að reyna að ná til ákveðins brottfallshóps á aldrinum 16 - 18 ára.