English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Grunnskólinn – Hvaðan kom hann? – Hvert er hann að fara? – Hvað er hann? Þetta er yfirskrift Öskudagsráðstefnu menntayfirvalda í Reykjavík, sem haldin verður á Hilton Reykjavík Nordica miðvikudaginn 22. febrúar kl. 13.00 - 16.45.
Fjórir fyrirlestrar voru haldnir á ráðstefnunni. Sérfræðingar frá Menntavísindasviði HÍ og mennta- og menningarmálaráðuneytinu sögðu frá niðurstöðum nýrrar rannsóknar og stefnumörkun í menntamálum. Tveir erlendir sérfræðingar, annar á vegum Miðstöðvar menntarannsókna og nýsköpunar hjá OECD og hinn á vegum Mckinsey-stofnunarinnar fjölluðu um niðurstöður alþjóðlegra rannsókna á grunnskólastarfi og um stöðu grunnskólans í samfélagi framtíðarinnar.
Meðal annars var farið í stöðu og starfshætti grunnskólans, þarfir framtíðarinnar fyrir nýsköpun og fjölbreytta þekkingu, þróun nýrra leiða við mat á árangri, hvaða umbótaaðgerðir skili mestum árangri og mótun menntastefnu í ljósi samfélagsþróunar.
Að hvaða marki eru nemendur „fullgildir og virkir þátttakendur í skólastarfinu“?
Dr. Ingvar Sigurgeirsson prófessor við kennaradeild, Menntavísindasviði Háskóla Íslands og Ingibjörg Kaldalóns verkefnisstjóri, Menntvísindastofnun HÍ.
Í stefnumörkun Reykjavíkurborgar segir m.a.: „Einstaklingsmiðað nám og markviss samvinna tryggir að komið sé til móts við þarfir, áhuga og námsstíl nemenda. Frumkvæði og þekkingarleit einkenna allt skólastarfið ... Nemendur setja sér markmið í samvinnu við kennara og foreldra og eru ábyrgir fyrir eigin námi. Hæfileikar hvers og eins fá notið sín og námstilboð eru fjölbreytt í bóklegum og verklegum greinum, menningu og listum … Nemendur eru fullgildir og virkir þátttakendur í skólastarfinu …”
Í þessum fyrirlestri var leitast við að ræða þessa stefnumörkun með hliðsjón af niðurstöðum úr rannsókninni Starfshættir í grunnskólum 2009–2011, sem náði til tuttugu grunnskóla, þar af sextán í Reykjavík. Byggt á umfangsmiklum spurningakönnunum, vettvangsathugunum og viðtölum. Sjá glærur úr fyrirlestri Ingvars og Ingibjargar
Educating for innovation-driven societies: what pedagogies, curricula and assessments?
Dr. Stéphan Vincent-Lancrin, sérfræðingur og verkefnastjóri hjá OECD - miðstöð menntarannsókna og nýsköpunar
Í þessum fyrirlestri var fjallað um hvaða færni og námsgreinar eigi að vera í forgrunni í samfélagi sem leggur áherslu á nýsköpun.
Dr. Stéphan ræddi nauðsyn þess að menntastefna og kröfur um færni og nýsköpun á 21. öldinni færu saman, en af því hafa menn vaxandi áhyggjur í OECD-ríkjunum. Meginröksemd hans var sú að OECD- ríkin verði að efla og styrkja þekkingu og færni á mörgum sviðum til að geta staðið undir markmiðum um nýsköpun og velferð. Hlúa þurfi að fagþekkingu, frumkvæði og sköpun, svo og samskipta- og félagsfærni.
Sjá glærur úr fyrirlestri Dr. Stephan Vincent-Lancrin.
How can we improve student achievement in Scandinavia?
Peter Gerlach, ráðgjafi við Mckinsey-stofnunina í Stokkhólmi.
Norðurlöndin eiga margt sameiginlegt í menntamálum og námsárangri. Í rannsókn sem náði til 600 námsþátta hefur McKinsey & Company leitast við að finna út hvað þeir skólar eiga sameiginlegt sem auka mest og skjótast hæfni nemenda á alþjóðlegum mælikvarða. Getur sú reynsla nýst Íslandi og öðrum norrænum ríkjum í því að gera gott menntakerfi enn betra? Sjá glærur úr fyrirlestri Peter Gerlach.
Ný íslensk menntastefna og mótun hennar í alþjóðlegu samhengi
Sigurjón Mýrdal, deildarstjóri í mennta- og menningarmálaráðuneytinu.
Fjallar var um stefnu sem mörkuð var í menntalöggjöfinni 2008 og útfærslu hennar í nýjum aðalnámskrám 2011. Mótun þessarar stefnu fer fram í stofnunum skólakerfisins, ekki síst í einstökum skólum og kennslustofum. Menntastefnan var mörkuð í ákveðnu þjóðfélagsástandi fyrir og eftir banakhrunið 2008. Við mótun hennar á næstu árum er eðlilegt að menn líti til samfélagsþróunarinnar, en ekki síður til reynslu annarra þjóða af þróunarstarfi í skólum og breytingum í fræðunum. Sjá glærur Sigurjóns Mýrdal.
Ráðstefnustjóri
Dr. Anna Kristín Sigurðardóttir, lektor í skólaþróun og deildarforseti kennaradeildar Menntavísindasviðs Háskóla Íslands.
Sjá auglýsingu um ráðstefnuna.