English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Sveitarfélögin á höfuðborgarsvæðinu hafa gert samning við Bolaöldur ehf. til eins árs um móttöku á jarðefnum til landmótunar í Bolaöldum í hlíðum Vífilsfells. Þar er námusvæði og með móttöku á jarðefnum er verið að endurheimta land í eldri námum.
Í framhaldi af hinu nýja fyrirkomulagi hefur Reykjavíkurborg hætt reglubundinni efnismóttöku á Hólmsheiði, en þar hefur verið tekið á móti jarðvegi frá árinu 2001.
Í Bolaöldum er eingöngu heimilt að losa endurnýtanlegt, óvirkt jarðefni s.s. mold, möl og grjót. Einnig má losa steinsteypubrot sem búið er að klippa af öll útistandandi járn og hreinsa af öðrum efnum s.s. einangrun, pappa og klæðningu. Ekki er heimilt að losa lífrænan úrgang eins og húsdýraskít og landbúnaðarhrat, eins og það er orðað í starfsleyfi sem Heilbrigðiseftirlit Suðurlands gefur út, en Bolaöldur eru í landi Ölfuss.
Móttaka jarðefna er opin á virkum dögum: Mánudaga - fimmtudaga kl. 8.00 - 12.00 og 12.30 - 17.00, og á föstudögum kl. 8.00 - 12.00 og 12.30 - 16.00.
Nánari upplýsingar: Bolaöldur - móttaka jarðvegs.